WAT ONS GLO
Ligpunt as kerk vereenselwig homself met die Apostoliese geloofsbelydenis en die Evangelie soos dit herontdek is tydens die Reformasie. Ons begeerte is egter om hierdie tydlose waarhede te kommunikeer op ’n manier wat lewens-veranderende sin maak vir die gemiddelde Pretorianer vandag – hetsy jy gekerk is of nie.
​
Vir meer oor presies wat ons glo, maak gerus kontak met een van ons personeel info@ligpunt.com
WIE ONS IS
As Christene word ons identiteit gevorm, nie deur ons kultuur of begeertes nie, maar deur God en wat Hy sê waar is van ons. Ons is dus:
​
Vrygekoop – Deur die bloed van Jesus, om werklik te lewe;
Familie – Van God en mekaar;
Dienaars – Van Pretoria en al sy mense;
Sendelinge – Wat ander uitnooi om God ook te leer ken en geniet.
Ons identiteit kan net uitgeleef word met ’n gesonde balans van waarheid en liefde. Dis moontlik om aan God se waarheid vas te hou op ’n liefdelose manier. Dis egter ook moontlik om in die naam van liefde
te maak asof daar geen absolute
waarheid bestaan nie.
God roep ons om in die lig van Sy waarheid te lewe op ’n manier wat liefdevol is teenoor alle mense, hetsy hulle glo soos ons of nie. Dit beteken ons luister na God se Woord, die Bybel, en rig ons lewens daarvolgens in. Dit beteken ons deel ons lewens met mekaar, met die oortuiging
dat God daardeur in en deur ons
aan die werk is.
HOE ONS LEWE
Alhoewel Ligpunt nie deel is van ’n denominasie nie, heg ons baie waarde aan ons verhoudings met ander kerke, netwerke en organisasies.
